Medio Rural volverá a dar permisos de queimas a partir do vindeiro luns

Estes labores están prohibidos desde a pasada fin de semana

 polas adversas condicións meteorolóxicas

A Consellería do Medio Rural volverá a dar permisos de queimas, coas condicións habituais para realizar este tipo de labores agrícolas, a partir do vindeiro luns 19 de abril e ata nova orde.

Os interesados poderán solicitar o correspondente permiso dende entón (non antes) a través do teléfono 012 (tamén se poderá seguir usando o 902.112.000), ampliándose, ademais, o horario deste servizo, que permanecerá operativo entre as 08:00 horas da mañá ata as 20:00 horas da tarde (de luns a venres) e entre as 08:00 e as 17:30 horas os sábados.

A suspensión da concesión de permisos para facer queimas adoptouse a pasada fin de semana diante das previsións meteorolóxicas adversas, con altas temperaturas e forte vento do nordés.

Fonte: http://mediorural.xunta.es