Medio Rural volverá dar desde mañá permisos para facer queimas a partir do próximo sábado, día 8 de maio


 A realización destas tarefas segue prohibida ata entón
 polas condicións meteorolóxicas adversas, con forte vento do nordés

A Consellería do Medio Rural volverá dar desde mañá xoves permisos para facer queimas, que só se poderán levar a cabo a partir do próximo sábado, día 8 de maio, cando se prevé que as condicións meteorolóxicas sexan favorables para a realización destas tarefas de xeito seguro e controlado.

Diante das previsións de forte vento do nordés para toda esta semana, Medio Rural decidiu, como medida preventiva, prohibir a realización de queimas dende o pasado luns día 3 e ata novo aviso.

Solicitudes

Xa que logo, a partir de mañá poderanse realizar as comunicacións e solicitudes de autorización de queimas de restos agrícolas e forestais a través do teléfono 012, do centro de atención aos cidadáns da Xunta de Galicia, de acordo co establecido no artigo 34 da Lei 3/2007, do 9 de abril , de prevención e defensa contra os incendios forestais de Galicia.

Deste xeito, os cidadáns que desexen queimar restos agrícolas nas zonas que determina a devandita lei nos períodos habilitados para facelo poderán cumprir coa esixencia de comunicación previa, así coma solicitar a autorización preceptiva en caso de queima de restos forestais.

Fonte: http://mediorural.xunta.es/

Comentarios

Entradas populares de este blog

Tablas de precios orientativos de la madera

Un monte viable económicamente, eje de las propuestas de la cadena de valor de la madera para el futuro forestal