Medio Rural reforza o dispositivo de loita contra o lume con 8 novas motobombas

O director Xeral de Montes entregou esta mañá en Santiago os vehículos, que se distribuirán a partes iguais entre as provincias, aos catro xefes territoriais do Servizo de Prevención e Defensa contra os Incendios Forestais


O director xeral de Montes da Consellería do Medio Rural, Tomás Fernández-Couto Juanas, fixo entrega esta mañá en Santiago de 8 novos vehículos motobomba cos que se reforzará o dispositivo de loita contra o lume. Os catro xefes provinciais do Servizo de Prevención e Defensa contra os Incendios Forestais recolleron cadanseu par de vehículos para conducilos ao seu destino. O departamento que dirixe Samuel Juárez Casado investiu preto de 1,5 millóns de euros nestas adquisicións.





As motobombas son modelos F3-24.14 da marca galega Urovesa e teñen unha potencia de 240 cv e unha cisterna con capacidade para 4.000 litros. As súas bombas, da marca Ruberg, teñen un caudal de traballo de entre 400 e 3.000 litros por minuto, en función da potencia de uso.

Renovación da flota

Con esta iniciativa a Consellería do Medio Rural continúa co labor de constante renovación da flota de motobombas do Servizo de Prevención e Defensa contra os Incendios Forestais, que suma na actualidade un total de 130 vehículos en toda Galicia, e está pendente de recibir proximamente unha unidade máis, na que se investiron preto de 225.000 euros.

Fuente: http://mediorural.xunta.es

Comentarios

Entradas populares de este blog

Un monte viable económicamente, eje de las propuestas de la cadena de valor de la madera para el futuro forestal

Tablas de precios orientativos de la madera